أحدث المنتجات

حبيت ادون تجربتي بشكل كامل بدايةً تواصلت معهم و استفسرت عن امكانية تعديل للعباية الي اخترت بهالتعديلات الآتية وشهادة حق خدمة العملاء كانت متعاونه واخذت مني كامل التعديلات برحابة صدر تبارك الله وهذي التعديلات الي طلبتها وكاتبه تجربتي مع كل تعديل وكيف صار : ١/ توسيع العباية 3سم من جهة الصدر ( واستفسروا مني واخذو مقاسي الاعتيادي وصارت واسعه جداً وضوقتها عند خياط اخر وكلفني مايقارب ٦٠ ريال ) ٢/تركيب شنكار او طقطق بين الصدر و البطن ( مع الاسف كان الشنكار ماتم تركيبه بمنطقة الصدر تم تركيبه بالحلق ماكان موقعه مرتب نهائياً واعذرهم ممكن لو انا قدامهم واخذوا على قياسي بطلع بنتيجه افضل ومع هذا تعديل مكان الشنكار كلفني عند خياط اخر 15 ريال ) . ٣/ التطريز حبيت يكون لونه اسود فاحم التطريز فعلا ولا غلطه نظيف و اسود ومثل مابغيت صدق و حلللو جداً جداً وهذا اكثر شيء خلاني اتقبل العباة و اتحمل معاناة التعديلات وهذي النقطه لصالحهم طبعاً🤍. ٤/ اردت تكون الجيوب مخفيه يمين ويسار وصلتني ب جيوب بليزر مو مخفيه وتواصلت معهم وقالوا ( لم يتم التوضيح اذا جيوب مخفيه بشكل تام ) ماخفيكم اني مستاءه من الكلمه وكلامي كان جداً واضح واذا ماوضح المفترض انهم يستفسرون مني اذا بشكل تام او مثل البليزر لان جمييع المصممين والعامه يعرفون الجيوب المخفية فهالنقطة صراحة ما حبيتها منهم . ٥/ بدون ياقة طويله كنت ابي الياقة دائرية ومو ضيقه وقالت لي خدمة العملاء بتكون دائرية وبتسرني ( مع الاسف وصلتني الياقه مرتفعه جداً جداً وتعديلها كلف عند الخياط الاخر ٤٠ ريال ) لكن .. تجربتي ماتعني ان المتجر سيء الله حق العباة راكز كمها وجميله جداً ولونها حلو و سواده فاحم جداً وانيقه جداً والتطريز نظظظيف بس ماتوفقت بالتعديلات عندهم اعتقد انه كان ضغط وممكن لو اني ماسويت تعديلات كثيره بتكون تجربتي افضل اعتقد اني كثرت عليهم تعديل وحصل عند الخياط لخبطه بس خدمة العملاء عندهم ممتازه جداً